Tarsier nailigtas matapos matagpuan malapit sa ilog sa Matalam, Cotabato

Naibalik na sa wild ang isang Tarsier na unang natagpuan malapit sa ilog sa Brgy. Tamped sa bayan ng Matalam.

Noong March 20, natagpuan ng isang bata ang Tarsier na basang-basa malapit sa ilog kaya iniuwi muna niya ito.

Kinabukasan ay iniulat nila sa Municipal Environment and Natural Resources Office (MENRO) ng Matalam ang pagkakatagpo sa Tarsier.

Agad isinailalim sa assessment ang Tarsier na mayroong bigat na 129 grams at may habang 124 centimeters.

Nang matiyak na ligtas na ang Tarsier ay ibinalik na ito sa kaniyang natural environment.

Ang Philippine tarsier ay itinuturing nang “Threatened” ng International Union for Conservation of Nature (IUCN) Red List at nasa listahan ng “Other Threatened Species” (OTS) ng Department of Environment and Natural Resources (DENR). (DDC)