DOLE inilabas ang pay rules para sa magkakasunod na Holidays sa buwan ng Abril

Inilabas ng Department of Labor and Employment (DOLE) pay rules para sa mga Holiday sa buwan g Abril.

Ayon sa Labor Advisory No. 4 ng DOLE, ang April 1 (Eid’l Fitr), April 9 (Araw ng Kagitingan), April 17 (Maundy Thursday) at April 18 (Good Friday) ay pawang deklarang Regular Holidays sa buong bansa.

Ang mga empleyado ay tatanggap ng 100 percent ng kanilang basic pay para sa nasabing mga araw kahit hindi sila pumasok sa trabaho.

Kung papasok naman sa trabaho, ang empleyado ay tatanggap ng 200 percent ng kaniyang sweldo para sa unang 8 oras sa trabaho.

Mayroon din siyang dagdag na 30 percent sa kaniyang hourly rate kung siya ay mayroong overtime.

Samantala,ang April 19 (Black Saturday) naman ay deklaradong Special Non-Working Day.

Sa nasabing petsa, iiral naman ang ‘no work no pay’ maliban na lamang kung mayroong umiiral na collective bargaining agreement ang kumpanya.

Kung ang empleyado naman ay papasok sa nasabing petsa sya ay tatanggap ng dagdag na 30 percent sa kaniyang basic wage sa unang 8 oras sa trabaho. (DDC)