Tagumpay ng Pasig City sa pagpapatupad ng sustainable tobacco control program, kinilala ng MMDA

Iginawad ng Metropolitan Manila Development Authority (MMDA) sa lokal sa pamahalaan ng Pasig City ang Index for Tobacco Control Sustainability (ITCS) dahil sa matagumpay na pagpapatupad ng sustainable tobacco control program sa lungsod.

Sa idinaos na flag raising ceremony sa Pasig City hall, inanunsiyo ni MMDA Chairman Atty. Don Artes na nakamit ng lungsod ang mataas na puntos sa pilot test ng Index for Tobacco Control Sustainability-Philippines.

Ang ITCS ay isang tool ng ginagamit para suriin ang antas ng sustainability sa pagkontrol sa paggamit ng tobacco ng lungsod.

Nagpasalamat naman si Pasig City Mayor Vico Sotto kay Chairman Artes at MMDA General Manager Procopio Lipana sa pagkilala ng MMDA sa lungsod.

Ani Chairman Artes, maaasahan ng lungsod ng Pasig City ang MMDA sa pagpapaganda at pagpapatupad ng mga proyekto at programa para sa ikabubuti ng mga residente nito. (DDC)