Kaso ng ASF sa bansa patuloy sa pagbaba

Patuloy ang pagbaba ng kaso ng African Swine Fever (ASF) sa bansa.

Ayon kay Department of Agriculture Assistant Secretary at DA Spokesperson Arnel V. De Mesa, sa ngayon ay mayroon na lamang 39 na mga barangay sa bansa ang mayroong active infections ng ASF.

Ang ASF cases na na-monitor sa Sta. Maria, Laguna ay kontrolado na at hindi na inaasahang kakalat pa.

Ayon kay De Mesa, ang pagbaba ng aktibong kaso ng ASF ay bunsod ng kooperasyon ng pork industry stakeholders at dahil sa mga hakbang ng gobyerno particular ang pagpapatupad ng biosecurity measures at pagbibigay ng ASF vaccines sa mga apektadong lugar.

Batay sa datos ng Bureau of Animal Industry (BAI), umabot na sa 28,000 doses ng ASF vaccines ang naibigay ng DA karamihan ay sa Regions III at IV-A.

Inaasahan naman ng DA na ngayong taon ay makakabangong muli ang mga naapektuhang babuyan. (DDC)