Mariah Carey magkakaroon ng concert sa Pilipinas sa Oct. 14
Magkakaroon ng concert sa bansa ang American popstar na si Mariah Carey.
Sa official Facebook page ni Carey, inanunsyo na ang Manila ay magiging bahagi ng kaniyang world tour na may titulong “The Celebration of Mimi”.
Gaganapin ang ang concert sa October 14. Habang hindi pa naman inaanunsyo ang eksaktong venue ng konsyerto.
Ang world tour ay bahagi ng pagdiriwang ng ika-20 anibersaryo ng tenth studio album ni Mariah Carey na “The Emancipation of Mimi.”
Bahagi din ng world tour ang China, Thailand, at Japan. (DDC)
