Arrival Extension ng NAIA T1 isasara simula sa Mar. 26

Pansamantalang isasara ang arrival extension ng NAIA Terminal 1 simula sa March 26, 2025.

Ito ay para bigyang daan ang patuloy na pagsasaayos ng arrival extension sa terminal.

Isinara na din ng pamunuan ng NAIA ang Parking A, kaya inaabisuhan ang mga susundo ng pasahero na sa Parking B o Parking C na lamang magtungo.

Para sa tour groups, ang mga tourist bus ay pinapayuhang dumeretso sa Parking B, para dahil hindi na papayagan ang pag-pick-up sa arrival ares.

Ang mga paparating na pasahero na bahagi ng tour groups ay maaaring dumeretso sa Parking B kung saan maghihintay ang kanilang bus.

Hindi rin papayagan ang tour group pick-ups sa Departures.

Bahagi ng gagawing pagsasaayos ang pagkakaroon ng bagong arrival curbside, better roofing, upgraded commercial area, dagdag na restrooms, at dedicated pick-up bays para sa TNVS services. (DDC)