PhilHealth inihinto na ang pag-iral ng 45-day benefit limit
Inalis na ng Philippine Health Insurance Corporation (PhilHealth) ang 45-day benefit limit sa mga naoospital nilang miyembro.
Ayon kay PhilHealth president and CEO Edwin Mercado maituturing nang “outdated cost-containment strategy,”
Ang 45-day benefit limit dahil may mga health condition na lumalagpas ng 45-araw ang gamutan.
Hindi aniya madaling ma-predict o hindi naman nabibigyan ng schedule ang pangangailangang medikal ng mga pasyente.
Sinabi ni Mercado na may mga pasyenteng may malulubhang sakit o ‘di kaya ay nangangailangan ng mahaba-habang pagpapaospital.
Para matiyak na epektibong naipatutupad ang bagong polisya, sinabi ng PhilHealth na masusi nitong imo-monitor ang patient admissions, readmissions, at benefit utilization ng mga lumalagpas sa 45 days.
Masusi ring babantayan ng Philhealth ang compliance ng mga health facility pagdating sa reimbursement rules. (DDC)
