P7M na halaga ng tulong ipinamahagi ng DOLE sa lalawigan ng Samar

Ipinamahagi ng Department of Labor and Employment (DOLE) ang halos P7 million halaga ng livelihood and emergency employment assistance sa lalawigan ng Samar.

Ito ay sa ilalim ng ng Serbisyong Pangkalusugan sa Bagong Pilipinas program.

Idinaos ang pamamahagi ng tulong sa Old Manuca Gymnasium, Brgy. Old Manunca, Sta. Rita, Samar.

Personal na ibinigay ni Labor Secretary Bienvenido Laguesma ang tulong pinansyal sa ilalim ng DOLE Integrated Livelihood Program (DILP) na nagkakahalaga ng P2,905,150 sa Local Government Unit ng Villareal, Samar.

Inaasahang masusuportahan nito ang 97 marginalized farmers at fisherfolks na nasa sektor ng cattle raising, mussel farming, at chicken poultry.

Samantala, isinagawa din ang payout sa mga nasa 1,000 benepisyaryo ng Tulong Panghanapbuhay sa Ating Disadvantaged Workers Program (TUPAD) sa Sta. Rita, Samar na aabot sa PP4,050,000 ang halaga. (DDC)