500 pang PDLs ng NBP inilipat sa kulungan sa Zamboanga
Bilang parte ng Bureau of Corrections (BuCor) sa patuloy na pagpapaluwag sa New Bilibid Prison (NBP) sa Muntinlupa City at pagsasara ng pasilidad sa 2028, aabot sa 500 pang persons deprived of liberty (PDLs) ang inilipat sa San Ramon Prison and Penal Farm (SRPPF) sa Zamboanga.
Kabilang sa mga inilipat ang 56 PDLs mula sa Maximum Security Camp at 444 na iba pa galing ng Medium Security Camp ng NBP.
Sa ilalim ng patbubay ni BuCor Director General Gregorio Pio P. Catapang Jr., ang operasyon ay koordinado ng isang matatag na team na binubuo ng 141 escorts sa pangunguna ni Chief Inspector Henry Avila kung saan ang convoy ay patungong Manila Port sa pagsakay ng barko hanggang makarating sa destinasyon sa SRPPF.
Ninanais ng BuCor hindi lamang mabawasan ang siksikan sa Bilibid kundi magbigay ng mas maayos na transition para sa PDLs upang sila ay makapag-adjust sa kapaligiran.Ang ganitong mga hakbang ay bahagi ng mas malawak na istratihiya ng ahensiya, pagtuunang-pansin ang pagpapaganda ng mga oportunidad ng rehabilitasyon para sa inmates, at maibsan ang mga hamon na kinakaharap sa sobrang populasyon sa mga kulungan.
Ang pinakabagong relokasyon ay isa lamang na bahagdan sa pinalawak na plano ng BuCor sa muling alokasyon ng PDLs sa mga pasilidad.
Ibinunyag ni Catapang na bago ang katapusan ng buwan ng Abril ay mayroong karagdagang paglilipat na nakatakdang ipatupad kabilang ang 300 PDLs patungong Palawan Prison and Penal Farm, 400 papuntang Sablayan Prison and Penal Farm, at 300 iba pa na dadalhin naman sa Davao Prison and Penal Farm. Ang sistematikong distribusyong ito ay naglalayong mabawasan ang pasanin ng NBP habang sinisiguro ang makataong pagtrato at nagpapatuloy na programang rehabilitasyon para sa lahat ng inmates.
Ayon pakay Catapang ang planong pagsasara ng NBP sa 2028 ay mahalagang hakbang na sumasalamin sa pangako ng gobyerno na reporma sa kulungan. Napakahalaga ang kasalukuyang decongestion efforts hindi lamang para sa karapatan at kapakanan ng inmates kundi pinapaganda rin nito ang antas ng kaligtasan at seguridad ng publiko.
Idinagdag pa nito na ang pagtugon sa mga isyu sa overcrowding ay naniniwala ang Bucor na makalilikha ito ng mas madaling mapamahalaan at lalong rehabilitasyong uri ng kapaligiran para sa PDLs.
Binigyang-diin pa ni Catapang na sa ilalim ng Bagong Bucor sa Bagong Pilipinas, malinaw ang mithiin nito ang transpormasyon ng correctional landscape ng Pilipinas sa kanyang sistema na pagpaprayoridad ng rehabilitasyon kaysa pagpaparusa. (Bhelle Gamboa)
