Coast Guard nakatanggap ng barko at inflatable boats at Starlink Units

Tinanggap ng Philippine Coast Guard (PCG) ang donasyong barko, inflatable boats at Starlink kits mula sa Philippine Red Cros (PRC), Grab at SpaceX.

Idinaos ang turn-over ceremony sa South Harbor, Manila na dinaluhan ni First Lady, Auxiliary Vice Admiral Marie Louise Araneta – Marcos; Department of Transportation Secretary, Sec. Vivencio Dizon; PRC Chairman Richard Gordon; at iba pang opisyal.

Ang M/V Amazing Grace na ibinigay ng Red Cross ay malaking tulong sa pagsasagawa ng medical at humanitarian assistance ng Coast Guard.

Nagbigay naman ng 100 units ng STARLINK kits sa Coast Guard ang Space Exploration Technologies Corp (SpaceX).

Gagamitin ito ng Coast Guard upang mas mapaigting pa ang komunikasyon at real time reports sa kanilang mga barko nan aka naka-deploy sa karagatan.

Samantala, ang dalawang Barracuda Rigid Hull Inflatable Boats (RHIBs) na ibinigay sa Coast Guard ay mula naman sa GRAB Philippines Incorporated. (DDC)