Logo, Letter Head ng Korte Suprema ginamit sa pagpapakalat ng Fake News

Pinabulaanan ng Korte Suprema ang dokumentong ipinakakalat sa Facebook kaugnay sa umano’y signature campaign na humihiling ng pagbibitiw sa pwesto ni Pangulong Ferdinand Marcos Jr.

Ang kumakalat na “FAKE NEWS” ay may titulong “Korte Suprema, nakatanggap ng petisyon ng 16 milyong lagda para sa pagbibitiw ni Pangulong Marcos.

Ginamitan pang logo ng Korte Suprema at Letter Head ng Office of the Spokesperson ng SC ang naturang pakeng dokumento.

Ayon sa pahayag na inilabas ni Supreme Court Spokesperson Atty. Camille Sue Mae L. Ting, walang ganitong statement na inilalabas ang SC.

Wala aniyang katotohanan hinggil sa mga post sa Facebook accounts na may pangalang “Choose Libungan” at “Bernard Flores Maicon”.

Tiniyak naman ng Korte Suprema na iimbestigahan nito ng mga ganitong insidente para sa karampatang aksyon.

Paalala ng SC sa publiko, tiyaking kumuha lamang ng mga impormasyon sa lehitimo at opisyal na social media accounts ng SC. (DDC)