Foreign Affairs Sec. Enrique Manalo dadalo sa 10th Raisina Dialogue sa India

Bibiyahe patungong New Delhi, India si Foreign Affairs Secretary Enrique A. Manalo para dumalo sa 10th Raisina Dialogue.

Ang nasabing aktibidad ay idaraos hanggang sa March 19, 2025.

Taun-taong isinasagawa ang dayalogo ng Observer Research Forum (ORF) ng India at ng Ministry of External Affairs ng India.

Isa itong international conference kung saan tinatalakay ang geopolitical at geoeconomic issues.

Ang dayalogo ay dinadaluhan ng mga high-level officials, policymakers at strategic thought leaders.

Ito naman ang unang pagkakataon para kay Manalo na makadalo sa Raisina Dialogue.

Bilang bahagi ng sidelines ng conference, mayroon ding bilateral meetings si Manalo sa iba pang foreign ministers.

May nakatakda din siyang pulong sa ilang miyembro ng business community, at bibisita din sa Philippine Embassy sa New Delhi para tingnan ang e-Visa operations nito. (DDC)