Paperwork ng mga guro mababawan ng mahigit 50 percent

Target ng Department of Education (DepEd) na mabawasan ang paperwork ng mga guro sa public schools ng hanggang 57 percent para mas maka-focus sila sa sa pagpapabuti ng pag-aaral ng mga estudyante.

Sa ilalim ng bagong ipatutupad na polisiya ng DepEd tinatayang aabot ng 57% ang mababawas sa kabuuang 174 school forms na dating required matapos ng gma guro.

Sa ipatutupad na polisiya, mayroong limang forms ang regular na kukumpletuhin ng mga guro.

Kailangan din nilang matapos ang 31 forms para sa teacher ancillary tasks at 39 forms para sa teaching related assignments.

Sinabi ng DepEd na bahagi ito ng education reform agenda ng administrasyong Marcos na layong mas mapabuti pa ang public school system.

Nakatakdang maglabas ng department order ang DepEd para sa pagpapatupad ng bagong guidelines.

Magkakaroon din ng nationwide orientation sessions para masiguro ang maayos na pagpapatupad nito. (DDC)