Pagtulong sa Interpol upang maaresto si dating Pang. Duterte, bahagi ng obiligasyon ng Pilipinas sa Interpol

Obligasyon ng Pilipinas na makipagtulungan sa Interpol sa pagpapatupad ng warrant of arrest ng International Criminal Court (ICC) laban kay dating Pangulong Rdorigo Duterte.

Pahayag ito ni Pangulong Ferdinand “Bongbong” Marcos Jr. kasunod ng pagkumpirma na ang eroplanong lulan ang dating pangulo at patungo ito ng The Hague sa Netherlands.

Ayon kay Pangulong Marcos ito ay upang maharap ng daing pangulo ng mga kasong may kaugnayan sa “crimes against humanity”

Sa mensahe, binigyang-diin ni PBBM na ang pagtupad ng Pilipinas sa mga ganitong obligasyon ay mahalaga upang mapanatili ang kooperasyon ng ibang bansa, partikular na sa paghawak ng mga kasong may kinalaman sa mga Filipino fugitive sa ibang panig ng mundo.

Ayon pa sa pangulo, kailangang makipagtulungan ng gobyerno sa Interpol dahil kapag mayroong puganteng Pinoy na nagtatago sa ibang bansa ay hinihingi din ng Pilipinas ang tulong ng Interpol. (DDC)