Batas ng Pilipinas walang kinalaman sa kinakaharap na legal problem ni dating Pang. Duterte – JPE

Hindi dapat sisihin ang kasalukuyang administrasyon sa kinakaharap na legal problem ni dating Pangulong Rodrigo Duterte.

Ayon kay Presidential Legal Counsel Juan Ponce Enrile, ang problemang legal ng dating pangulo ay walang kaugnayan o hindi dahil sa batas sa Pilipinas.

Sa halip sinabi ni Enrile na ito ay dahil sa batas na ipinaiiral ng International Criminal Court (ICC).

Sinabi ni Enrile na hindi tamang isisi sa administrasyon ni Pangulong Ferdinand “Bongbong” Marcos Kr. ang problema ng dating pangulo.

Dapat din aniyang kumuha ng kopya ang mga abogado ni Duterte ng mga kaso niya sa ICC at doon mababasa nila kung bakit iniutos ang pag-aresto dito.

Paggigiit pa ni Enrile, walang kinalaman ang Philippine domestic laws sa kung anumang kinakahap na problemang legal ng dating pangulo. (DDC)