Kaso ng dengue sa bansa mula Enero umabot na sa mahigit 62,000 ayon sa DOH

Nakapagtala ng 14,163 na bagong kaso ng Dengue sa bansa simula Feb. 2 hanggang Feb. 15, 2025.

Ayon sa Department of Health (DOH), simula Jan. 1 hanggang Mar. 1 ay nakapagtala na ng kabuuang 62,313 na kaso ng dengue sa bansa.

Ito ay 73 percent na mas mataas kumpara sa parehong petsa noong 2024.

Ang CALABARZON ang nakapagtala ng pinakamaraming kaso na umabot sa 12,735 cases, kasunod ang NCR na mayroong 11,291 cases at ikatlo ang Region 3 na mayroong 10,185 cases.

Karamihan sa mga nagkaroon ng sakit na dengue ay mga batang edad 14-anyos pababa. (DDC)

Ayon sa DOH, inaasahan na tataas muli ang bilang ng mga kaso ng dengue pagdating ng panahon ng tag-ulan.

Paalala ng kagawaran, samantalahin ang panahong ito para maglinis at puksain ang mga pinamumugaran ng lamok para masigurong wala silang pamumugaran kapag umuulan. (DDC)