Libu-libong nasawi sa “Tokhang” mabibigyan na ng hustisya ayon kay Sen. Hontiveros

Para kay Senator Risa Hontiveros ito na ang araw na hinihintay ng mga pamilya ng libu-libong Pilipino na napatay sa madugong “tokhang” ni dating Pangulong Rodrigo Duterte.

Ayon sa pahayag ng senador, pinanghahawakan niya ang mga sinabi ni dating Pangulong Duterte, ‘under oath’ na haharapin niya ang kaso sa International Criminal Court (ICC).

Bilang abogado sinabi ni Hontiveros na dapat ay sumunod sa mga proseso ang dating pangulo.

Umaasa din ang senadora na tutuparin ng Malakanyang ang ppahayag nito na tutugon ang pamahalaan sa mga hiling ng ICC sa pamamagitan ng Interpol.

Dagdag pa ni Hontiveros, hindi lang kagagawan ng iisang tao ang pagkasawi ng libu-libong katao nang dahil sa “tokhang”.

Umaasa si Hontiveros na mapapanagot din ang lahat ng mga opisyal at kawani ng gobyerno na responsable sa pagpatay sa mga inosente o walang kalaban-laban. (DDC)