Bahagi ng Commonwealth Ave. mula University Ave hanggang Tandang Sora Ave. isasara sa mga motorista sa weekend

Isasara ang bahagi ng Commonwealth Avenue sa Quezon City simula gabi ng Sabado (Mar. 15) hanggang umaga ng Linggo (Mar. 16).

Ito ay para bigyang-daan ang paglalagay ng steel structure ng footbridge na kukunekta sa Tandang Sora Station ng ginagawang MRT-7.

Ayon sa Department of Transportation (DOTr), apektado ng road closure ang Commonwealth Avenue East Bound Lane mula sa University Avenue hanggang sa Tandang Sora Avenue mula 10:00 ng gabi ng Mar. 15 hanggang 4:00 ng umaga ng Mar. 16.

Ang mga motorista na patungo sa Fairview area ay maaaring dumaan sa bubuksang counterflow lane sa westbound ng Commonwealth. (DDC)