Dalawang pulis patay sa engkwentro sa Bocaue, Bulacan

Dalawang pulis ang nasawi sa ikinasang operasyon sa Bocaue, Bulacan laban sa mga suspek sa paglabag sa RA 10591 o Comprehensive Firearms and Ammunition and Regulation Act.

Ayon sa pahayag ng Police Regional Office 3, nauwi sa engkwentro ng operasyon sa Sitio Tugatog, NIA Road, Brgy. Tambubong, na nauwi sa pagkasawi ng dalawang pulis na sina Staff Sergeants Dennis Cudiamat at Gian George Dela Cruz.

Ikinasa ng mga otoridad ng Bocaue Municipal Police Station ang buy-bust operation laban sa mga suspek nang bigla silang atakehin ng ng mga ito.

Nagtamo ng tama ng bala ng baril sa ulo si Cudiamat na agad niyang ikinasawi.

Si Dela Cruz naman ay naisugod pa sa ospital pero nasawi din kalaunan.

Sa follow-up operation na ikinasa ng Bulacan Provincial Police Office, naaresto a Pandi, Bulacan ang isa sa mga suspek na si alyas “Dado”, 38-anyos.

Ang isa niyang kasama na si alyas “Athan” ay pinaghahanap pa.

Nakumpiska kay Dado ang isang caliber .38 revolver, isang Granada, isang Rusi 125 motorcycle at ang P1,000 bill kasama ang boodle money na ginamit sa buy-bust.

Patong-patong na kasong paglabag sa RA 10591, Ombibus Election Code at double murder ang isasampa laban sa mga suspek. (DDC)