Negosyante arestado sa pagdadala ng mga bala ng baril sa NAIA

Arestado ang isang negosyante mula Norzagaray, Bulacan matapos mahulihan mga bala ng baril sa Ninoy Aquino International Airport (NAIA).

Ayon sa Aviation Security Unit NCR, naaresto ang 57-anyos na lalaking negosyante dahil sa paglabag sa Republic Act 10591 o Comprehensive Firearms and Ammunition Regulation Act at COMELEC Gun Ban.

Sa isinagawang routine screening, napuna ng X-ray operator ng Office for Transportation Security (OTS) ang hugis magazine sa loob ng bag ng pasahero.

Nang isagawa ang manual inspection, Nakita ang dalawang .45 caliber magazines at 24 na rounds ng bala.

Expired na ang hawak na License to Own and Possess Firearms (LTOPF) ng pasahero at bigo din itong magpakita ng COMELEC Gun Ban Exemption.

Agad inaresto ang suspek at dinala sa NAIA Police Station 2 habang inihahanda ang reklamong isasampa laban dito. (DDC)