Heat stroke break policy muling ipinatupad sa mga field personnel ng MMDA

Muling ipinatupad ng Metropolitan Manila Development Authority (MMDA) ang 30-minute “heat stroke break” policy para sa kaniilang field personnel partikular sa mga traffic enforcers at street sweepers.

Ito ay para maprotektahan sa matinding init ng panahon na maaaring magdulot ng heat-related illness.

Ayon kay MMDA Chairman Atty. Don Artes, magpapalitan sa heat stroke break ang kanilang mga tauhan na magkakasama sa isang lugar kung saan sia nakatalaga.

Ipatutupad ang polisiya araw-araw sa pamamagitan ng rotation schedule hanggang sa May 31.

“We acknowledge the challenges being faced by our traffic enforcers and street sweepers who diligently work in the heat to fulfill their duties and responsibilities; their well-being is crucial and this initiative seeks to mitigate health-related illnesses among them, especially with the sudden rise in the heat index in Metro Manila,” ayon kay Artes.

Sa ilalim ng heat stroke break policy, ang mga naka-duty na traffic enforcer at street sweepers ay papayagang umalis sa kanilang lugar by-shift para mag-rehydrate at sumilong at magpahinga ng 30-minuto.

Narito ang oras ng break na susundin mga traffic enforcers depende sa kanilang shift:

5 am to 1 pm shift:
•10 am to 10:30 am or 10:30 am to 11 am

1 pm to 9 pm shift:
• 2:30 pm to 3 pm or 3 pm to 3:30 pm

6 am to 2 pm shift:
• 11 am to 11:30 am or 11:30 am to 12 noon

2 pm to 10 pm shift:
• 3 pm to 3:30 pm or 3:30 pm to 4 pm.

Para naman sa street sweepers narito ang schedule ng kanilang break.

6 am to 2 pm shift:
• 11 am to 11:30 am or 11:30 am to 12 noon

7 am to 4 pm shift:
•12 noon to 1 pm (regular break time)

11 am to 7 pm shift:
• 2:30 pm to 3:00 pm or 3:00 pm to 3:30 pm

Kung sakaling ang heat index sa Metro Manila ay aabot ng 40 degrees Celsius pataas, ang mga field personnel ng MMDA ay maaari ding magkaroon ng dagdag na 15-minute break time. (DDC)