Mga nasunugan sa Brgy. Tuktukan sa Taguig City binigyan ng ayuda

Agad na rumesponde ang City Disaster Risk Reduction and Management Office (CDRRMO) at BFP-Taguig upang apulahin ang sunog na tumama sa mga kabahayan sa Barangay Tuktukan kahapon

Matapos ang insidente,mabilis na tumugon ang City Social Welfare and Development Office (CSWDO) upang magsagawa ng assessment at intake interview sa mga apektadong residente na pansamantalang nanunuluyan sa itinakdang evacuation centers sa Brgy. Calzada at Brgy. Sta. Ana.

Kaagad namahagi ang Pamahalaang Lungsod ng Taguig ng tulong kabilang ang financial assistance, food packs, sleeping kits, at hygiene kits.

Bukod pa rito ang karagdagang tulong mula sa DSWD na hot meals, family kits, at financial assistance na tulong din mula sa tanggapan nina Taguig-Pateros Representative Cong. Ading Cruz Jr. at Sen. Alan Peter Cayetano.

Personal din na nagtungo sina Mayor Lani Cayetano at Cong. Ricardo “Ading” Cruz Jr. upang kumustahin ang kalagayan ng mga apektadong pamilya sa mga evacuation centers. (Bhelle Gamboa)