171 na magsasaka mula Northern Samar pinagkalooban ng fuel assistance

Pinagkalooban ng fuel assistance ng Department of Agriculture Regional Field Office 8 (DA RFO 8) ang mahigit 170 magsasaka sa Northern Samar.

Sa pamamagitan ng Provincial Agriculture Office (PAO), ipinagkaloob ang fuel assistance sa mga magsasaka sa aktibidad na idinaos sa Provincial Agriculture and Fishery Extension Center (PAFEC) sa Brgy. Galutan sa bayan ng Catarman.

Ang mga magsasaka ay mula sa mga bayan ng San Jose, Bobon, at Catarman.

Sa hiwalay na aktibidad, namahagi din ng tulong sa mga magsasaka mula sa bayan ng Allen at Rosario.

Ang naturang ayuda ay layong maibsan ang paghihirap ng mga magsasaka sa patuloy na pagtaas ng presyo ng produktong petrolyo. (DDC)