OFW na nakaranas ng matinging pang-aabuso sa Saudi Arabia, binisita ng OWWA

Binisita ni Overseas Workers Welfare Administration (OWWA) chief Arnell Ignacio ang OFW na si Leslie Gey Diaz na nakaranas ng matinding pang-aabuso sa Riyadh, Saudi Arabia.

Sa kanyang pagbisita, iniabot ni Ignacio ang P100,000 financial assistance mula sa OWWA para sa pagpapagamot ni Leslie.

Nangako rin si Ignacio ipagpapatuloy ng OWWA ang pagsubaybay sa kaso ni Diaz upang makamit ang hustisya.

Patuloy namang umaasa si Leslie at ang kanyang pamilya na makukuha nila ang hustisya sa nangyaring insidente.

Si Diaz ay tubong Isabela City sa Basilan.

Nakaranas ito ng matinding pang-aabuso mula sa kaniyang amo sa Saudi Arabia kabilang ng pambubugbog.

Binuhusan din siya ng mainit na tubig dahilan para atuklap ang kaniyang balat. (DDC)