DMW nag-abot ng tulong sa 9 na mangingisdang Pinoy sa California na inabandona ng kanilang employer

Siniguro ng Department of Migrant Workers (DMW) na tutulungang makauwi ang siyam na mangingisdang Pinoy na inabandona ng kanilang employer sa San Diego, California.

Nag-abot ng tulong na 850 US Dollars ang Migrant Workers Office (MWO) sa Los Angeles, California sa siyam na Pinoy sa pamamagitan ng AKSYON Fund para sa kanilang gastusin at sa hindi nabayarang sweldo.

Tiniyak din ni Labor Attaché Macy Monique A. Maglanque sa mga mangingisda na ipagkakaloob ang kanilang mga pangangailangan.

Kabilang dito ang pagsuporta upang mabayaran sa kanilang ang unpaid wages at ang mabilis na pagbabalik nila sa bansa.

“The immediate assistance provided through the DMW AKSYON Fund is a showcase of the love of President Ferdinand R. Marcos Jr. and Migrant Workers Secretary Hans Leo Cacdac to OFWs and in line with their directive of providing urgent assistance to OFWs in need,” ayon kay Maglanque.

Nakikipag-ugnayan na ang MWO-LA sa kanilang employer, sa PRA at sa U.S. local authorities para sa agarang aksyon sa kanilang kaso. (DDC)