Person of interest sa pagpatay sa doktor sa Naga hawak na ng mga otoridad

Sumuko sa mga otoridad sa Naga, Camarines Sur ang person of interest sa kaso ng pagpatay sa isang doktor sa Bicol Medical Center.

Sumuko sa NBI Naga field office si Raymart Martinez, matapos tukuyin bilang person of interest sa pagpatay sa kasintahan niya na si Dr. Rajean Monette Romualdez.

Natagpuang walang buhay sa loob ng kaniyang kotse si Romualdez noong Feb. 16 at mayroong tama ng bala ng baril.

Ayon sa NBI, hinikayat si Martinez ng kaniyang pamilya na sumuko.

Sa CCTV footage ay Nakita si Martinez na kasama si Romualdez ala 1:30 ng madaling araw o 11-oras matapos madiskubre ng bangkay ng biktima. (DDC)