Batikang journalist na si Jay Ruiz papalit kay Cesar Chavez sa PCO
Ang batikang journalist na si Jay Ruiz ang napili ni Pangulong Ferdinand “Bongbong” Marcos Jr. bilang susunod na pinuno ng Presidential Communications Office (PCO).
Kasunod ito ng pagbibitiw sa puwesto ni PCO Acting Secretary Cesar Chavez.
Ayon kay Chavez, nakausap na niya si Ruiz para ipakilala sa PCO.
Sa Lunes ipakikilala si Ruiz sa PCO Mancom para masimulan na agad ang week-long transition at makapagsimula na sya sa trabaho sa March 1.
Si Ruiz na ang magiging ikaapat na PCO Secretary ni Pangulong Marcos.
Una rito, itinalaga ni Pangulong Marcos sina dating PCO Secretaries Trixie Angeles, Cheloy Garafil at si Chavez. (DDC)
