Cesar Chavez nagbitiw bilang acting secretary ng PCO

Nagbitiw na sa pwesto si Presidential Communications Office (PCO) acting secretary si Cesar Chavez.

Sa kaniyang pahayag sinabi ni Chavez na epektibo ang kaniyang pagbibitiw sa Feb. 28 o maaaring mapaaga kung mayroong agad na maipapalit sa kaniyang pwesto.

Isinumite ni Chavez ang kaniyang irrevocable resignation noong Feb. 5, 2025.

Sa kabila nito sinabi ni Chavez na mananatili siyang “believer” ng kasalukuyang administrasyon at patuloy niyang susuportahan ang bisyon nito kahit wala na sya sa gobyerno.

Nagpasalamat si Chavez kay Pangulong Ferdinand Bongbong Marcos Jr. sa ibinigay na oportunidad at tiwala sa kaniya.

Ani Chavez, sa kaniyang palagay ay hindi niya nagawa ng husto ang inaasahang trabaho sa kaniya.

Sinabi ni Chavez na mula sa unang araw niya sa Malakanyang hanggang ngayon ay palagi niyang ibinibigay ang kaniyang “best” sa kaniyang trabaho at ito rin ang lagi niyang paalala sa mga nakatrabaho niya sa PCO. (DDC)