Kaso ng typhoid fever sa Cordillera, tumaas

Tumataas ang kaso ng typhoid fever sa Cordillera Administrative Region (CAR).

Sa datos ng Department of Health (DOH) – CAR, nakapagtala ng 285 na kaso ng typhoid fever mula Jan. 1 hanggang Feb. 15, 2025.

Ayon sa DOH-CAR, ang typhoid fever ay isang life-threatening infectious disease na dulot ng Samonella typhi bacteria.

Kabilang sa sintomas ng Typhoid fever ang patuloy na paglalagnat, pananakit ng ulo, panghihina, loss of appetite, diarrhea o constipation at abdominal discomfort.

Maaaring makuha ang sakit sa pamamagitan ng person-to-person contact, langaw na nagdadala ng bacteria sa pagkain, pagkain ng raw o undercooked na pagkain, at kontaminado na pagkain o tubig.

Narito naman ang mga hakbang na maaaring gawin para maiwasan ang sakit:

– pakuluan ang inuming tubig
– lutuin ng maayos ang pagkain
– iwasan ang kumain ng unsanitary street-vended foods
– palagiang hugasan ang kamay gamit ang sabon at tubig
– hugasang mabuti ang mga prutas at gulay
– maging maingat sa ginagamit na yelo
– panatilihing malinis ang paligid (DDC)