Eroplano ng Delta Air bumaligtad matapos lumapag sa Toronto Airport

Isang eroplano ng Delta Air ang bumaligtad paglapag nito sa Toronto Pearson Airport sa kasagsagan ng nararanasang malakas na snowstorm.

Ayon sa mga otoridad, aabot sa 15 pasahero ng eroplano ang nasugatan.

sa pahayag ng Delta Air Lines, and Delta Connection flight 4819 ay nasangkot sa aksidente.

Galing ito ng Minneapolis-St. Paul International Airport (MSP) at may lulang 80 katao kabilang ang 76 na pasahero at 4 na crew.

Sinabi ng Delta Air na nadala na sa ospital ang mga nasugatan.

Sa post sa Facebook ng isa sa mga pasahero na si John Nelson, sinabi nitong nag-crash ang eroplano at bumaligtad.

May nakita ding usok sa bahagi ng eroplano.

Patuloy pa ang imbestigasyon ng mga otoridad sa insidente. (DDC)