3 drug suspects nadakip ng SPD, P680K na halaga ng shabu nakumpiska sa Pasay City
Nadakip ng mga operatiba ng Southern Police District (SPD) ang tatlong drug suspects at nakumpiska ang tinatayang 100 ng gramo ng hinihinalang shabu na nagkakahalaga ng ₱680,000.00, sa ikinasang buy-bust operation sa Andrews Avenue, Barangay 185, Pasay City.
Ang mga suspek ay kinilalang sina alyas “Kosa,” 18-anyos,estudyante ng Brgy. 183 Villamor, Pasay City; alyas “Christian,” 27-anyos, ng Brgy. Talon 1, Las Piñas City; at alyas “Ryan,” 27-anyos, ng naturang barangay.
Nasa kustodiya ng SPD ang tatalong suspek na sasampahan ng kasong paglabag sa Republic Act No. 9165 (Comprehensive Dangerous Drugs Act of 2002).
Ang operasyon ay isinagawa ng District Drug Enforcement Unit (DDEU-SPD) sa kolaborasyon ng District Intelligence Division (DID-SPD) sa ilalim ng superbisyon ni District Director BGen Manuel J. Abrugena, at alinsunod sa direktiba ni NCRPO Acting Regional Director BGen Anthony A. Aberin.
Ang istratehikong pagpaplano at tamang pagpapatupad ng operasyon ay nagbigay- diin sa hindi matatawarang dediskasyon ng SPD na buwagin ang networks ng ilegal na droga at pigilin ang pagkalat ng mga ito sa mga komunidad.
“This successful operation is a testament to our firm resolve in eradicating illegal drugs and holding perpetrators accountable. The SPD remains steadfast in its mission to safeguard our communities and protect the future of our youth from the dangers of substance abuse,” sabi ni BGen Abrugena.
Panawagan ng SPD sa publiko na manatiling mapanuri at aktibong sumali sa paglaban kontra ilegalnna droga sa pamamagitan ng pagrereport sa otoridad ng anumang kahina-hinalang drug-related activities. Mahalaga ang kooperasyon ng komunidad sa pagpapalakas ng mga hakbang sa pagpapatupad ng batas at tiniyak ng SPD sa mamamayan na ang mga report na ito ay magiging confidential at ligtas sa pamamagitan ng police hotlines at local stations.
Malinaw na mensahe ang hatid ng operasyon na tuluy-tuloy ang SPD sa maigting nitong mga hakbang, pigilan ang mga aktibidad ng mga kriminal, at siguradong makakamit ang hustisya.
“Together, we can build a drug-free and safer society for all,” pahayag ng SPD Chief. (Bhelle Gamboa)
