MMDA nagturn-over ng trash traps at kagamitang pangbaha sa Taguig City
Opisyal na tinurn-over ng Metropolitan Manila Development Authority (MMDA) ang mga trash traps at mahahalagang kagamitan sa Taguig City Government bilang parte ng kanilang inisyatiba na maibsan ang baha sa lungsod.
Sinabi ni MMDA Chairman Atty. Don Artes na nasa 13 na barangay ang mabebenepisyuhan mula sa inisyatiba sa turnover ng 28 manual trash traps kasama ang sets of tools para sa operations at maintenance na kinabibilangan ng plastic pontoons, nylon ropes, paddles, fabricated scooper, life vests, plastic crates, at rubber gloves.
“With these equipment and tools, cleanup of waterways will be easier and convenient for the field personnel maintaining the waterways. The Authority will always be ready in what we are mandated to do anchoring on ‘Kalinisan sa Bagong Pilipinas’ campaign by President Ferdinand Marcos Jr.,” sabi ni Artes sa kasagsagan ng paglalagda ng kasunduan ng turnover s pagitan ng ahensiya at ng lokal na pamahalaan ng Taguig.
Hinihikayat ng MMDA ang paglahok ng mamamayan sa responsibilidad sa kapaligiran sa pamamagitan ng wastong pamamahala sa basura.
Kinikilala ni Artes ang mga hakbang ng Taguig sa oagsasagawa ng araw-araw na paglilinis sa mga daanan ng tubig at bilang partner sa pagtukoy sa mga lugar kung saan kinakailangan ang trash traps, at ng kolaborasyon ng mga barangay sa ahensiya sa paglalagay ng mga ito.
Ang probisyon ng trash traps sa pamamagitan ng MMDA Solid Waste Management Office (SWMO) at MMDA Flood Control and Sewerage Management Office (FCSMO) ay bawasan ang mga natatapobg mga basura sa mga daluyan ng tubig at pigiling umabot ito sa mga pumping stations at sa Manila Bay.
Inilagay ang mga trash traps sa Mauling Creek, Conga Creek, Tipas-Labasan Creek, Sto. Niño Creek, Garcia Creek, First Alley Creek, Musni Creek, Ramos Creek, Sucol Creek, Dama De Noche Creek, Pinagsama Creek, Marcelina Creek, F. Manalo Creek, Tupas Creek, Paulina Creek, at Magsaysay Creek.
Nagpasalamat naman si Taguig City Mayor Lani Cayetano sa MMDA at sinabing ang mga kagamitang ito ay maghahatid ng positibong epekto sa flood management efforts ng lungsod at makatutulong na maibsan ang baha sa tuwing mayroong malalakas na pag-uulan.
“We are very thankful to MMDA, not just in efforts in flood mitigation and control but also for its other projects, like development of open spaces for the benefit of the city residents,” sabi ni Cayetano.
Tutulong ang mga tauhan ng lokal na pamahalaan upang tanggalin ang mga basura sa trash traps gamit ang garbage collection tools at equipment. Matapos linisin at paghihlwa-hiwalayin ang mga nakolektang basura, ipinapaubaya naman sa barangay na gumamit ng NGO recyclers o junk shops para sa mga nahakot na mga maaaring i-recycle.
Pinuri rin ni Director Daryll Olga Arzadon ng Department of Environment and Natural Resources-National Capital Region (DENR-NCR) ang partnership ng MMDA at Taguig City upang mapanatili ang kalinisan ng lungsod at tiyakin ang kapakanan ng mga residente. (Bhelle Gamboa)
