Heart Beats: Public Service Caravan ng Taguig City, umarangkada na

Umaarangkada ang isang linggong selebrasyon ng Araw ng mga Puso o Valentine’s Day sa pagbubukas ng Heart Beats: City of Taguig Public Service Caravan sa TLC Park, Laguna Lake Highway (C6 Road), Barangay Lower Bicutan sa lungsod.

Tampok sa pagdiriwang ang espesyal at hindi makakalimutang live performances mula sa nangungunang artists sa bansa na pawang mapapanood o masasaksihan ng libre.

Kabilang sa mga nagtanghal sa pagbubukas ng Heart Beats ay ang Sitti at Luna Band na naghatid ng musika,alaala at makabuluhang mga koneksiyon.

Mag-iikot ang Heart Beats sa iba’t ibang lugar sa Taguig katulad ng Vista Mall, Arca South, at Benigno Aquino High School upang ipagdiwang ang pag-ibig ng mas malapit sa mamamayan.

Ang Heart Beats ang kauna-unahang Valentine’s service caravan ng Taguig na kasunod nang nakalipas na kaganapan ng Araw ng mga Puso sa Love at the Park sa mga nakaraang taon. (Bhelle Gamboa)