Mas matinding traffic mararanasan sa NLEX sa Sabado dahil sa BINIverse World Tour 2025

Naglabas ng abiso sa mga motorista ang pamunuan ng North Luzon Expressway (NLEX) sa posibleng matinding traffic na mararanasan sa Sabado, February 15, 2025.

Idaraos kasi ang BINIverse World Tour 2025 sa Philippine Arena mula 1PM hanggang 9PM.

Paalala ng NLEX sa mga motorista, tiyaking may load ang kanilang RFID accounts at maglaan ng dagdag na oras sa pagbiyahe.

Ang mga manonood naman ng concert ay pinapayuhan na gamitin ang NLEX Ciudad de Victoria exit.

Ang mga motorista naman na patungo ng Bocaue o Santa Maria ay hinihikayat na gamitin ang Marilao, Bocaue, o Tambubong exits. (DDC)