Palawan at Basilan naka-high alert dahil sa inaasahang debris mula sa ilulunsad na rocket ng China

Nasa high alert ang lalawigan ng Palawan at Basilan ngayong araw ng Martes, Feb. 11.

Ito ay dahil sa inaasahang debris na magmumula sa Long March 8A Rocket ng China ilulunsad mula sa Wenchang Spacecraft Launch Site sa Hainan.

Ayon sa abiso ng Office of the Civil Defense (OCD), ang rocket launch ay orihinal na itinakda noong Jan. 25 pero binago ang schedule sa araw na ito.

Ang launch window ay sa pagitan ng 9:22 a.m. at 10:16 a.m.

Bilang paghahanda inilabas ng OCD ang detalye ng tatlong drop zone kung saan inaasahang babagsak ang mga bahagi ng rocket.

Narito ang updated coordinates para sa mga zone na ito:

DROP ZONE 1:
N11 54 E116 48
N12 38 E116 14
N12 58 E116 40
N12 14 E117 14
Approximate distance: 85 nautical miles from Rozul Reef.

DROP ZONE 2:
N10 19 E117 52
N11 10 E117 14
N11 13 E117 49
N10 45 E118 28
Approximate distance: 40 nautical miles from Puerto Princesa, Palawan.

DROP ZONE 3:
N06 44 E120 37
N07 36 E119 59
N07 55 E120 26
N07 04 E121 03
Approximate distance: 33 nautical miles from Hadji Muhtamad, Basilan.

Sa memorandum na inilabas ni OCD Deputy Administrator for Operations Cesar Idio, hinikayat ang Philippine Coast Guard (PCG), Bureau of Aquatic Resources (BFAR), Department of the Interior and Local Government (DILG), at ang Department of Environment and Natural Resources – National Mapping and Resource Information Authority (DENR-NAMRIA) na magpatupad ng temporary restrictions at mag-isyu ng Notices to Mariners, Coastal Navigational warnings sa mga tinukoy na drop zones.

Pinayuhan din ang mga residente sa lugar na iwasang pulutin kung may makikitang mga debris dahil maaaring nagtataglay ito ng toxic substances. (DDC)