Sugatang Chinese Sparrowhawk nailigtas sa Kidapawan City

Nailigtas sa Kidapawan City ang isang sugatang Chinese Sparrowhawk na nakuha ng isang concerned citizen at dinala sa DENR-12 Provincial Environment and Natural Resources Office (PENRO) Cotabato.

Ayon sa nagsauling concerned citizen mula sa Poblacion, Kidapawan City, isang lalaki ang nakita niyang bitbit ang ibon sa loob ng kanilang subdivision at hinihinalang ibebenta ito.

Hinikayat niya ang lalaki na boluntaryong i-surrender ang ibon.

Ayon sa concerned citizen napansin sugatan ang ibon kaya dinala niya ito sa DENR.

Ayon sa DENR, sasailalim sa medical treatment ang ibon sa University of Southern Mindanao Wildlife Rescue and Research Center. (DDC)