BuCor nanawagan sa stakeholders na manindigan sa mas maayos na correctional system
Nanawagan si Bureau of Corrections Director General Gregorio Pio P. Catapang Jr. sa lahat ng stakeholders na manindigan sa sistemang panghukuman na manatiling itinataguyod ang misyong lumikha ng mas patas, rehabilitasyon, at makataong correctional system.
Sa talumpati sa seremonya ni Catapang, isa sa mga resource persons ng Supreme Court’s Side Event on Jail Decongestion, na kabahagi ng Philippines Open Government Partnership Asia at ng Pacific Regional Meeting sa Grand Hyatt, Manila, sinabi nito na hindi man mapababa ang congestion rate sa kanilang mga pasilidad mula sa 332% noong 2023 hanggang 248% sa taon 2024, malayo pa rin ang narating ng kanilang tinatrabaho.
Aniya sa kabila na nakakapagpalaya sila ng 700 hanggang 1,000 na persons deprived of liberty (PDLs) sa isang buwan, nasa 1,000 hanggang 2,000 na bagong PDLs naman ang pumapasok sa bilangguan.
Ipinagmalaki naman ni Catapang na walang naitalang human rights violations o paglabag sa karapatang pantao sa kanyang nasasakupang lugar.
“The pressing issue we gather to address is the urgent need for jail decongestion. This challenge is not just a statistic; it is a clarion call for our collective action toward a more equitable and effective system,” sabi ni Catapang.
Idinagdag pa ng BuCor chief na ang konsepto ng pagpapaluwag ay hindi basta iti mauunawaan sa pagbuo ng pisikal na espasyo na nararapat itong yakapin ang pangkalahatang paglapit para sa reporma ng criminal justice. Ito rin ay kabilang sa pagtugon sa mga ugat ng pagkakabilanggo, pagpapatupad ng matatag na mga alternatibo sa piitan at pinagsama-samang paraan para sa rehabilitasyon na magsusulong sa mga indibiduwal kaysa paliitin sila.
“By taking decisive action, we will be able to achieve the needed physical reform and we can create an environment where individuals have the chance to reclaim their life,” pahayag ni Catapang. (Bhelle Gamboa)
