MPT South nasungkit ang triple ISO Certification

Natanggap ng MPT South, ang concessionaire ng Manila-Cavite Expressway (CAVITEX) at Cavite-Laguna Expressway (CALAX), at isang subsidiary ng Metro Pacific Tollways Corporation, ang tatlong International Organization for Standardization (ISO) certifications.

Nakamit ng kumpanya ang mga sertipikasyon para sa ISO 9001 (Quality Management), ISO 14001 (Environmental Management), at ISO 45001 (Occupational Health and Safety), na nagtatampok sa kanilang pangakong napakahusay na operasyon at matatag na mga gawain sa negosyo.

Ipinagdiriwang ng MPT South ang tagumpay na ito kasunod ng awarding ceremony sa Sequoia Hotel kung saan personal na iniabot ni DQS Certification Philippines President Mr. Romeo Bravo ang mga sertipiko sa MPT South Management Committee,sa pamumuno ni Officer-in-Charge na si Binibining Elnora D. Rumawak kasama si MPTC’s Chief Human Resource Officer, Atty. Maria Antonette V. Allones.

“This achievement reflects MPT South’s unwavering commitment to excellence, sustainability, and the safety of every motorist we serve,” sabi ni Bb. Rumawak.

Ang Metro Pacific Tollways Corporation ay tollways infrastructure unit ng Metro Pacific Investments Corp. Bukod sa CALAX at CAVITEX networks ng toll roads, kabilang sa MPTC’s domestic portfolio ang concessions para sa North Luzon Expressway (NLEX), NLEX Connector Road, Subic-Clark-Tarlac Expressway (SCTEX), at Cebu-Cordova Link Expressway (CCLEX) sa Cebu. (Bhelle Gamboa)