Walang nakaambang taas-pasahe sa MRT-3; mga panukala para sa pagsasapribado ng linya, isinasailalim sa pag-aaral
Tiniyak ng Department of Transportation (DOTr) na walang nakaambang fare hike sa MRT-3.
Sa isang panayam sinabi ni MRT-3 Director for Operations Officer-in-Charge Ofelia Astrera, sa ngayon walang fare hike petitions from mula sa management ng MRT-3.
Nasa P13 ang kasalukuyang base fare sa MRT-3.
Ang end-to-end trip nito mula North Ave. Station to Taft Station ay P28.
Samantala, sinabi ni MRT-3 General Manager Oscar Bongon na pinag-uusapan ngayon ang posibleng pagsasapribado ng MRT-3.
Ayon kay Bongon, pinaplantsa na ang terms of reference (TOR) para sa solicited at unsolicited proposals sa pagsasapribado ng rail line.
Sa ngayon sumasailalim sa review ng Public-Private Partnership (PPP) Center, Asian Development Bank at DOTr ang mga proposal para sa privatization ng MRT-3.
“Binubuo ngayon yung terms of reference for concession. Dalawa lang po ang tunguhin ngayon kasi meron sa pribadong sektor na nagsumite ng unsolicited proposal. Under review po yan ng PPP Center, ADB at DOTr,” ayon kay GM Bongon. (DDC)
