Termino ni PNP chief Marbil pinalawig ni Pang. Marcos ng apat na buwan pa

Pinalawig ni Pangulong Ferdinand “Bongbong” Marcos Jr. ng apat na buwan pa ang termino ni Philippine National Police Chief Police General Rommel Francisco Marbil.

Magreretiro na sana si Marbil buaks sa Pebrero 7 dahil sa pagsapit nito sa retirement age na 56.

Base sa memorandum na nilagdaan ni Executive Secretary Lucas Bersamin noong Pebrero 4, inaprubahan ni Pangulong Marcos ang term extension ni Marbil.

Naka-address ang memorandum kay Department of the Interior and Local Government Secretary Juanito Victor Remulla.

Una nang nagpahiwatig ang Malakanyang sa term extension ni Marbil lalo at panahon ng ngayon ng eleksyon.

Si Marbil ang ika-30 PNP chief at miyembro ng Philippine Military Academy’s Sambisig Class of 1991.

Naluklok bilang PNP chief si Marbil noong Abril 1, 2024. (DDC)