2 trike drivers huli sa P204K na halaga ng shabu sa Pasay City drug-bust

Nadakip ng otoridad ang dalawang tricycle driver at nakumpiska ang P204,000 na halaga ng hinihinalang shabu sa ikinasang buy-bust operation sa Barangay 134, Pasay City.

Kinilala ng mga suspek na sina alyas Christian, 28-anyos, at alyas Reynaldo, 55-anyos, na sasampahan ng kasong paglabag sa Comprehensive Dangerous Drugs Act of 2002.

Ang operasyon ay pinangasiwaan ng mga operatiba ng District Drug Enforcement Unit – Southern Police District (DDEU-SPD), District Investigation Division – SPD (DID-SPD), at Sub-Station 4 Pasay City Police Station na nagresulta ng pagkaaresto ng mga suspek at pagkakumpiska ng kabuuang 30 na gramo ng umano’y shabu, buy-bust money, at cellphone.

Ang matagumpay na operasyon ay alinsunod sa mga direktiba ni Acting Regional Director, NCRPO, BGen Anthony A. Aberin, na nagbigay-diin sa maigting naa kampanya laban sa lahat ng uri ng kriminalidad sa Metro Manila partikular ang walang tigil na paglaban kontra ilegal na droga,gayundin sa ilalim ng gabay ni District Director, SPD, BGen Manuel J. Abrugena, at direktang superbisyon ni Maj Cecilio G. Tomas Jr, hepe ng DDEU-SPD.

Pinuri ni BGen Abrugena ang mga miyembro ng operating team dahil sa kanilang dedikasyon at pangako na labanan ang ilegal na droga.

“This successful operation is a testament to our relentless efforts to rid our communities of illegal substances. We will continue to intensify our anti-drug operations to ensure the safety and well-being of our citizens,” sabi ng SPD chief. (Bhelle Gamboa)