DOH binati ang bagong hirang na presidente at CEO ng PhilHealth

Nagpaabot ng pagbati ang Department of Health (DOH) sa pagkakahirang sa bagong presidente at Chief Executive Officer (PCEO) of the Philippine Health Insurance Corporation (PhilHealth) na si Dr. Edwin Mercado.

Sa pahayag ni DOH Sec. at PhilHealth Board of Directors chairperson Teodoro Herbosa, pinasalamatan nito si Pangulong Ferdinand R. Marcos, Jr. sa paghirang kay Mercado sa PhilHealth.

Si Mercado na isang orthopedic surgeon ay nagtapos at nagsanay sa UP College of Medicine – Philippine General Hospital.

Ayon kay Herbosa, maliban sa pagkakaroon ng Master’s degrees ni Mercado sa healthcare administration mula sa University of North Carolina – Chapel Hill aktibo din ito sa health economics na naka-angkla sa Universal Health Care Act.

Samantala, pinasalamatan naman ni Herbosa si outgoing PhilHealth Presidente at CEO Emmanuel R. Ledesma, Jr. sa kaniyang serbisyo. (DDC)