Jerry Yan, Vic Chou may tribute message para kay Barbie Hsu
Nagbahagi ng kani-kaniyang tribute at pakikiramay ang mga cast ng TV Series na Meteor Garden kasunod ng pagpanaw ng Taiwanese actress na si Barbie Hsu.
Nagbahagi ng tribute message si Jerry Yan at sinariwa ang mga ala-ala sa aktres.
“Thankful for meeting you. In your carefree, childlike years, you always say, treat every day as your last. To have a great time. I hope you walk slowly this time. From now on, in another world, there will be no worries and the years will be peaceful,” ayon kay Yan na gumanap bilang si Dao Ming Si sa Meteor Garden.
Ang isa pang miyembro ng F4 na si Vic Chou na gumanap naman bilang si “Hua Zi Lei” sa Meteor Garden, nagbahagi din ng mga larawan nila noon ni Hsu.
Kalakip ng mga larawan ang background music ng kantang “Qing Fei De Yi” at “The Love You Want” na parehong original soundtrack ng TV series na Meteor Garden. (DDC)
