Mga opisyal ng QFPTA nakipagpulong sa Division Superintendent ng Quezon

Nakipagpulong ang Quezon Federated of Parent-Teacher Association (QFPTA) Officers kay Quezon Division Superintendent Dr. Rommel Bautista, CESO V kasama si Sir Paul Clifford Marquez, Senior Education Program Specialist na naging tulay upang makadaupang palad ang Division Superintendent nitong araw ng lunes, February 3, 2025 para isangguni ang mga mahahalagang bagay para sa ikabubuti ng bawat paaralan.

Pinangunahan nina Quezon Chairperson Ranel Tabipo Encanto, Vice Chairperson JR Narit at Treasurer Tanoy C. Ilagan kasama ang mga board of directors nito na inilatag ang mga mahahalagang bagay para sa kapakanan ng bawat paaralan.

Layunin sa naturang pagpupulong ay inilatag nito ang mga programa at mga magiging proyekto sa buong Probinsya kabilang sa mga idinulog ng samahan ay ang pagkakaroon ng Parent Convention bago magtapos ang school year ganun din sa magiging fundraising activity na mabigyan ng pahintulot ng region at ng division para maisakatuparan ang mga ninanais ng Samahan.

Dumalo ang bawat Pangulo kasama na dito ang Bayan ng Tiaong, Unisan, Mauban, Lucban, Real, Padre Burgos, Plaridel, Dolores at Atimonan na mga Board of Directors.

Lubos naman ang pasasalamat ng QFPTA Officers kay Superintendent Bautista dahil nabigyan ng panahon na makaharap ang mga opisyal bago pa man matapos ang termino ng bawat isa.

Umaasa ang mga opisyal ng Samahan na mapagbigyan ang mga kahilingan at mas lalo pang matugunan ang mga concern ng bawat area of responsibility. (JR Narit)