16 na pamilya nawalan ng tirahan sa sunog sa San Mateo, Rizal

Umabot sa labinganim na pamilya ang naapektuhan ng sunog na naganap sa Brgy. Ampid I sa San Mateo, Rizal.

Ayon sa san Mateo Rizal Public Information Office, sumiklab ang apoy sa mga kabahayan sa Pag-asa Compound sa nasabing barangay umaga ng Lunes, Feb. 3.

Nagsimula ang sunog sa ikalawang palapag ng isang paupahang apartment na mabilis kumalat sa mga kalapit na bahay.

Ayon sa Bureau of Fire Protection (BFP), umabot sa 25 bahay ang naapektuhan ng sunog. (DDC)