One Repatriation Command Center at AKSYON Unit ng DMW patuloy na aasiste sa mga OFW bukas, Jan. 29

Mananatiling bukas ang hotline ng One Repatriation Command Center at AKSYON Unit ng Department of Migrant Workers (DMW) bukas, Jan. 29.

Ito ay sa kabila ng pag-iral ng Special Non-Working Holiday bilang pagdiriwang sa Chinese New Year.

Ayon sa DMW, ang 24/7 hotline na 1348 DMW-OWWA at ang kanilang email na repat.dmw.gov.ph ay patuloy na aasiste sa mga Overseas Filipino Worker (OFW) na mangangailangan ng tulong.

Bukas din ang Migrant Workers Airport Assistance Center ng DMW para sebisyuhan ang mga paalis na OFWs.

Samantala, limitado naman ang Central Office ng DMW sa Mandaluyong City. (DDC)