LTO, PNP hihigpitan ang pagbabantay sa Marilaque Hiway matapos ang viral ‘Superman’ stunt na ikinasawi ng isang motovlogger

Mas maghihigpit ang Land Transportation Office (LTO) at ang Philippine National Police (PNP) sa Marilaque Highway sa Rizal kasunod ng nag-viral na ‘Superman’ stunt na nauwi sa aksidente at ikinasawi ng isang motovlogger..

Ayon kay LTO Chief, Assistant Secretary Atty. Vigor Mendoza II mas palalakasin ang presensya ng mga enforcer sa Marilaque Road.

Noong Lunes, Jan. 27 ay nagpulong sina Mendoza at Philippine National Police-Highway Patrol Group (PNP-HPG) director Police Brig. Gen. Eleazar Matta para talakayin ang pagpapalakas pa presensya ng mga otoridad sa naturang kalsada.

Inatasan na din ni Mendoza si LTO-Calabarzon Regional Director Elmer Decena na makipagtulungan sa local police forces at sa local government units (LGUs) para hindi gamitin ng mga rider ang Marilaque Road bilang motorcycle exhibition area.

Sa viral ‘Superman’ stunt video, nakita ang pagkaka-aksidente ng motovlogger na si John Louie Arguelles at isa pang rider after matapos gawin ang stunt.

May mga nabangga pa silang nakahinto lamang sa gilid ng kalsada. (DDC)