Maximum suggested retail price sa imported na bigas ibababa sa P49 pagsapit ng buwan ng Marso

Inanunsiyo ni Agriculture Secretary Francisco “Kiko” Tiu Laurel Jr. na unti-unting ibababa ang maximum suggested retail price sa imported na bigas sa susunod na mga linggo.

Unang itinakda ng DA ang MSRP sa imported rice sa Metro Manila sa P58 kada kilo.

Exempted sa MSRP ang Japanese black rice, red rice, basmati, imported malagkit at locally produced rice.

Ayon kay Tiu Laurel pagsapit ng February 5, ang MSRP sa imported rice ay bababa sa P55.
Magiging P52 na lamang sa Feb. 15 at pagsapit ng March 1 inaasahang maibaba pa ito sa P49 per kilo.

Ayon kay Tiu Laurel, sa ngayon, ang mga imported rice na ibinebenta sa merkado ay binili pa sa halagang USD700 per metric ton.

Inaasahang bababa pa ang presyo ng bigas sa papalapit na harvest season sa Vietnam. (DDC)