Zero tolerance sa polisya sa ilegal na droga sa Taguig City palalakasin ni Mayor Cayetano
Palalakasin ni Taguig City Mayor Lani Cayetano ang kanyang zero-tolerance policy sa ilegal na droga sa lungsod kasunod ng pagkaaresto ng high-value individual (HVI) at pagkakumpiska ng higit P4.8- milyong halaga ng shabu sa matagumpay na buy-bust operation ng Taguig City Police Station sa Cabasan Street, Barangay South Signal nitong Enero 22.
Inaresto ng otoridad ang suspek na si Sherhana Hatae, alyas “Sherhana,” 33-anyos, residente ng San Jose, Guadalupe, Makati City.
Narekober ang 708.5 na gramo ng umano’y shabu na nagkakahalaga ng ₱4,817,800,buy-bust money, at paper bag na ginamit sa transaksiyon.
Sinabi ni Taguig Police Chief, Col. Joey T. Goforth na ang tagumpay na ito ay bunga ng patuloy na kampanya kontra ilegal na droga sa lungsod.
“Our efforts are inspired by Mayor Lani’s zero-tolerance policy on drugs. We remain dedicated to making Taguig a drug-cleared city and ensuring a safe and secure environment for all Taguigeños,” sabi ni Col. Goforth.
Pinuri naman ni Mayor Lani Cayetano ang tagumpay ng Taguig PNP sa naturang operasyon.
“The police force’s unwavering commitment reflects our collective effort to protect our communities and provide a better future for every resident in our Transformative, Lively, and Caring Probinsyudad,” pahayag ni Mayor Lani.
Ang operasyon na ito ang bagong tagumpay sa mga buy-busts ng TCPS na tuluy-tuloy na naninindigan na labanan ang ilegal na droga.
Noong Agosto 2024, nasungkit ng Taguig PNP ang National Winner award, isang pambansang pagkilala sa selebrasyon ng ika-123 taong anibersaryo ng Police Service dahil sa pag-abot sa kahanga-hangang record na mahigit 1,700 na naarestong indibiduwal na may kinalaman sa ilegal na droga o drug-related arrests.
Ang mga high-value targets katulad ni Joel Tiñga na binansagang drug dealer sa Taguig at isang miyembro ng Tiñga drug syndicate ay pawang nadakip sa buy-bust operations na resulta ng maigting na anti-drug efforts ng pulisya. (Bhelle Gamboa)
