15 Mobile Kitchen Tucks nakatakdang ipamahagi sa field offices ng DSWD

Ipamamahagi ng Department of Social Welfare and Development (DSWD) ang 15 mobile kitchen trucks sa mga field office nito.

Ayon kay Special Assistant to the Secretary (SAS) for Disaster Response Management Group (DRMG) and concurrent officer-in-charge (OIC) ng National Resource and Logistics Management Bureau (NRLMB) Leo Quintilla, ang mga mobile kitchen trucks ay kasalukuyan ng dumadaan sa inspeksyon bago ito opisyal na i-turn over sa mga field offices ng DSWD.

Ang mga Mobile Kitchen Truck ay may kakayahan na makapaghain ng hot meals sa hindi bababa sa 500 katao.

Makatutulong ito sa mga internally displaced families kapag panahon ng kalamidad.

Inihalimbawa ng opisyal ang mga apektado ng Mt. Kanlaon na hindi aniya maaaring puro food packs lamang ang i-suplay.

Maging ang mga nasa geographically isolated and disadvantaged (GIDA) areas, gayundin ang nasa 4th and 5th class municipalities ay pagsisilbihan din ng mobile kitchen sa panahon ng kalamidad o emergency.

Maaari ding makinabang sa mobile kitchen ang mga pasaherong na-stranded sa mga major ports at airports. (DDC)